Іван Аркадзьевіч Гардзейчык

Іван Аркадзьевіч Гардзейчык
Іван Аркадзьевіч Гардзейчык
Нараджэнне	20 кастрычніка 1957 (66 гадоў); Вясея, Слуцкі раён, Мінская вобласць, БССР, СССР;
Адукацыя	Разанскае вышэйшае паветрана-дэсантнае каманднае вучылішча; Ваенная акадэмія Генеральнага штаба Узброеных Сіл Расійскай Федэрацыі; Ваенная акадэмія імя М. В. Фрунзэ;
Дзейнасць	палітык, ваенны
Ваенная служба
Званне	Генерал-маёр
Узнагароды	;

Іван Аркадзьевіч Гардзейчык (нар. 20 кастрычніка 1957, в. Вясея Слуцкага раёна Мінскай вобласці) — беларускі ваенны. Генерал-маёр. Старшыня Рэспубліканскага савета Беларускага грамадскага аб’яднання ветэранаў.

Біяграфія[правіць | правіць зыходнік]

Нарадзіўся 20 кастрычніка 1957 года ў в. Вясея Слуцкага раёна Мінскай вобласці^[1].

Скончыў Разанскае вышэйшае паветрана-дэсантнае каманднае вучылішча імя Ленінскага камсамола па спецыяльнасці «Камандная тактычная, інжынер па эксплуатацыі бранятанкавай тэхнікі», Ваенную акадэмію імя М. В. Фрунзэ па спецыяльнасці «Камандна-штабная аператыўна-тактычная паветрана-дэсантных войскаў», Ваенную акадэмію Генеральнага штаба Узброеных Сіл Расійскай Федэрацыі па спецыяльнасці «Вайсковае і дзяржаўнае кіраванне»; генерал-маёр^[1].

Праходзіў службу на асноўных камандных пасадах — камандзіра разведвальнага ўзвода, роты, намесніка камандзіра, камандзіра парашутна-дэсантнага батальёна, камандзіра парашутна-дэсантнага палка, камандзіра асобнай гвардзейскай мабільнай брыгады, намесніка камандуючага войскамі, начальніка штаба — першага намесніка камандуючага войскамі Заходняга аператыўнага камандавання, першага намесніка начальніка Ваеннай акадэміі Рэспублікі Беларусь. Звольнены з Узброеных сіл Рэспублікі Беларусь у запас у 2015 годзе.

Старшыня Рэспубліканскага савета Беларускага грамадскага аб’яднання ветэранаў^[1].

Быў дэпутатам Палаты прадстаўнікоў Нацыянальнага сходу Рэспублікі Беларусь 7-га склікання.

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Уручскай акругі № 23. Член Пастаяннай камісіі па працы і сацыяльных пытаннях^[1].