Алег Юр’евіч Баранаў
| Алег Юр’евіч Баранаў | |
|---|---|
| Дата нараджэння | 19 снежня 1977[1] (46 гадоў) |
| Месца нараджэння | |
| Грамадзянства | |
| Род дзейнасці | навуковец |
| Месца працы | |
| Навуковая ступень | доктар біялагічных навук |
| Навуковае званне | |
| Альма-матар | |
Алег Юр’евіч Баранаў (19 снежня 1977, Гомель) — беларускі вучоны ў галіне лясной генетыкі. Доктар біялагічных навук (2018), дацэнт (2014), член-карэспандэнт НАН Беларусі (2021)[2].
Біяграфія[правіць | правіць зыходнік]
У 1999 г. скончыў з чырвоным дыпломам Гомельскі дзяржаўны ўніверсітэт імя Ф. Скарыны па спецыяльнасці «Біялогія» (кваліфікацыя — «Выкладчык біялогіі і хіміі»), у 2002 г. — аспірантуру.
З 1999 г. працуе ў Інстытуце лесу НАН Беларусі: спачатку на пасадзе малодшага навуковага супрацоўніка, з 2002 г. — навуковага супрацоўніка, з 2003 г. — старэйшага навуковага супрацоўніка, з 2006 г. — вядучага навуковага супрацоўніка, з 2017 г. — загадчыка сектара. З 2019 года — загадчык лабараторыі геномных даследаванняў і біяінфарматыкі ДНУ «Інстытут лесу НАН Беларусі», 3 2022 — акадэмік-сакратар Аддзялення біялагічных навук НАН Беларусі.
Навуковая дзейнасць[правіць | правіць зыходнік]
Навуковыя інтарэсы: малекулярная генетыка; папуляцыйная і эвалюцыйная генетыка; малекулярная фітапаталогія; геноміка, біяінфарматыка, селекцыя драўняных відаў. Распрацаваны новы напрамак у ранняй дыягностыцы хвароб драўняных раслін з выкарыстаннем генетычных метадаў.
Аўтар і сааўтар каля 200 навуковых публікацый.
А. Ю. Баранаў з’яўляецца членам дысертацыйнага савета пры Інстытуце лесу НАН Беларусі, членам рэдкалегіі «Зборніка навуковых прац Інстытута лесу НАН Беларусі» і часопіса «Праблемы здароўя і экалогіі», членам ГА «Беларускае таварыства генетыкаў і селекцыянераў» і «Беларускае таварыства лесаводаў».
Выбраныя працы [3][правіць | правіць зыходнік]
- Падутов В. Е., Баранов О. Ю., Воропаев Е. В. Методы молекулярно-генетического анализа. Минск: Юнипол, 2007. 176 с.
- Pochtovyy A. A., Baranov O.Yu., Rubel' I. E., Razumova O. A., Padutov V. E., Khromov A. V., Makhotenko A. V., Tkachuk A. P., Makarov V. V., Gushchin V. A. Searching for active mobile genetic elements in dsRNA fraction of Pinus sylvestris having witches broom abnormalities // Genomics Data. 2017. Vol. 12. P. 102—108.
- Shestibratov K., Baranov O., [еt al.] Early detection and identification of the main fungal pathogens for resistance evaluation of new genotypes of forest trees // Forests. 2018. V. 9(12). P. 732—740.
- Jurkšienė G., Baranov O. Yu. [et al.] Genetic diversity and differentiation of pedunculate (Quercus robur) and sessile (Q. petraea) oaks // Journal of Forestry Research. 2020. № 31. P. 2445—2452.
- Maslov A. A., Baranov O. Yu., Sirin. A. A., A Molecular Genetics Study of Silver and Downy Birches in Peatland and Paludified Forest Types in the Center of the East European Plain // Contemporary Problems of Ecology. — 2019. — V.12 (7). — P. 703—710.
Узнагароды[правіць | правіць зыходнік]
- ганаровыя граматы Нацыянальнай акадэміі навук Беларусі (2010), Міністэрства лясной гаспадаркі Рэспублікі Беларусь (2015),
- падзякі Старшыні Прэзідыума НАН Беларусі (2012), Міністэрства адукацыі Рэспублікі Беларусь (2017) і інш.
Зноскі
Спасылкі[правіць | правіць зыходнік]
- Алег Юр’евіч Баранаў ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)