Антон Міхайлавіч Каранкевіч
| Антон Міхайлавіч Каранкевіч | |
|---|---|
| Нараджэнне |
23 ліпеня 1983 (40 гадоў) |
| Адукацыя | |
Антон Міхайлавіч Каранкевіч (нар. 23 ліпеня 1983, г. п. Кіраўск, Магілёўская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.
Біяграфія[правіць | правіць зыходнік]
Нарадзіўся 23 ліпеня 1983 года ў г. п. Кіраўск Магілёўскай вобласці[1]. Верагодна, брат міністра энергетыкі Віктара Каранкевіча.
Скончыў Беларускі нацыянальны тэхнічны ўніверсітэт па спецыяльнасці «Электраэнергетычныя сістэмы і сеткі»; Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве прамысловасці»[1].
Працоўную дзейнасць пачаў электраманцёрам па эксплуатацыі размеркавальных сетак Кіраўскага раёна электрычных сетак філіяла «Бабруйскія электрычныя сеткі» РУП «Магілёўэнерга». Працаваў дыспетчарам раённай дыспетчарскай службы, намеснікам начальніка Кіраўскага раёна электрычных сетак, намеснікам дырэктара па збыце электрычнай энергіі, галоўным інжынерам, дырэктарам філіяла «Бабруйскія электрычныя сеткі» РУП «Магілёўэнерга»[1].
Член рэспубліканскага грамадскага аб’яднання «Белая Русь»[1].
У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Бабруйскай сельскай акругі № 80. Член Пастаяннай камісіі па прамысловасці, паліўна-энергетычным комплексе, транспарце і сувязі[1].
Узнагароды[правіць | правіць зыходнік]
Узнагароджаны ганаровымі граматамі Бабруйскага гарадскога выканаўчага камітэта, Магілёўскага рэспубліканскага ўнітарнага прадпрыемства электраэнергетыкі «Магілёўэнерга», філіяла «Бабруйскія электрычныя сеткі»[1].
Мае падзякі старшыні Бабруйскага гарадскога выканаўчага камітэта, Магілёўскага рэспубліканскага ўнітарнага прадпрыемства электраэнергетыкі «Магілёўэнерга»[1].
Сям'я[правіць | правіць зыходнік]
Жанаты, мае дачку і сына[1].