Джон Карпентэр

Джон Карпентэр
англ.: John Carpenter
Дата нараджэння	16 студзеня 1948(1948-01-16)[…] (76 гадоў)
Месца нараджэння	Carthage[d], Jefferson County[d], Нью-Ёрк, ЗША або Jefferson County[d], Нью-Ёрк, ЗША
Грамадзянства	ЗША
Жонка	Adrienne Barbeau[d] і Sandy King[d]
Дзеці	Cody Carpenter[d]
Адукацыя	Універсітэт Паўднёвай Каліфорніі Школа кінематаграфічных мастацтваў Універсітэта Паўднёвай Каліфорніі[d] Заходне-Кентукійскі ўніверсітэт
Прафесія	кінарэжысёр, сцэнарыст, кампазітар, пісьменнік, кінакампазітар, рэжысёр, кінапрадзюсар, акцёр
Кірунак	фільм жахаў, навукова-фантастычны фільм, science fiction horror film[d] і трылер
Прэміі	Time Machine Award[d] (2008)
Узнагароды	The George Pal Memorial Award[d]
IMDb	ID 0000118
theofficialjohncarpenter.com (англ.)
Медыяфайлы на Вікісховішчы

Джон Говард Карпентэр (англ.: John Howard Carpenter; нар. 16 студзеня 1948, Картыдж, Нью-Ёрк) — амерыканскі кінарэжысёр, сцэнарыст, прадзюсар і кінакампазітар. На працягу амаль саракагадовай кінакар’еры Карпентэр зняў шэраг фільмаў у жанрах жахаў і навуковай фантастыкі, некаторыя з якіх атрымалі сусветнае прызнанне і культавы статус. Будучы незалежным рэжысёрам, ён зняў свой першы поўнаметражны фільм «Цёмная зорка» ў 1974 годзе, калі яму было ўсяго 25 гадоў. Праз два гады ён зняў баявік «Напад на 13-ы ўчастак». Яшчэ праз два гады, у 1978 годзе, выйшаў фільм жахаў «Дзень усіх Святых», ён меў вялікі касавы поспех, а таксама вельмі станоўчыя водгукі крытыкаў. Пасля гэтага Джон Карпентэр пачаў лічыцца адным з самых прыбытковых рэжысёраў і пачалася яго кар’ера ў Галівудзе.

Фільмы Карпентэра часта былі малабюджэтнымі, яны вылучаюцца адсутнасцю вынаходніцтваў у аператарскай працы, а таксама мінімалістычнай музыкай, якую Карпентэр напісаў сам да пераважнай большасці сваіх фільмаў. За музыку да фільма «Вампіры» ён атрымаў прэмію «Сатурн» у 1999 годзе. Яго стыль і ўплыў на жанр паслужылі таму, што рэжысёр атрымаў статус «майстра жахаў». Яго музыка аказала вялікі ўплыў на фарміраванне жанру сінтвейв.

Сёння многія з яго фільмаў сталі эталонамі фільмаў жахаў і навуковай фантастыкі, у тым ліку «Туман», «Уцёкі з Нью-Ёрка», «Нешта», «Крысціна», «Вялікі перапалох у маленькім Кітаі», «Чужыя сярод нас» і «У пашчы вар’яцтва».