Юраўскі карагод
| Славутасць | |
| Юраўскі карагод | |
|---|---|
._%D0%AE%D1%80%D0%B0%D1%9E%D1%81%D0%BA%D1%96_%D0%BA%D0%B0%D1%80%D0%B0%D0%B3%D0%BE%D0%B4_2_(02).jpg) | |
| Краіна | |
| Месцазнаходжанне | |
 Аб’ект Сусветнай спадчыны |
|
|
Spring rite of Juraŭski Karahod (Вясновы абрад "Юраўскі карагод") |
|
| Спасылка | № 01458 у спісе аб’ектаў Сусветнай спадчыны (en) |
| Рэгіён | Еўропа і Паўночная Амерыка |
| Уключэнне | 2019 (невяд. сесія) |
Юраўскі карагод — традыцыйны веснавы абрад у вёсцы Пагост Жыткавіцкага раёна Гомельскай вобласці ў Беларусі. Ладзіцца ў дзень святкавання Юр’я, 6 мая. 11 снежня 2019 года быў уключаны ў спіс нематэрыяльнай культурнай спадчыны ЮНЕСКА як аб’ект, якому неабходная тэрміновая абарона[1][2][3].
Абрад «Юраўскі карагод» раней меў распаўсюджанне ў шэрагу вёсак Жыткавіцкага раёна, хоць геаграфічныя межы ў гэтым выпадку вельмі ўмоўныя. Традыцыя найбольш поўна захоўваецца і жыве толькі ў вёсцы Пагост, што ўваходзіць у Азяранскі сельсавет.
._%D0%AE%D1%80%D0%B0%D1%9E%D1%81%D0%BA%D1%96_%D0%BA%D0%B0%D1%80%D0%B0%D0%B3%D0%BE%D0%B4_(01).jpg)
._%D0%AE%D1%80%D0%B0%D1%9E%D1%81%D0%BA%D1%96_%D0%BA%D0%B0%D1%80%D0%B0%D0%B3%D0%BE%D0%B4_(05).jpg)
Складаецца абрад з дзвюх частак. Спачатку ва ўнутраным двары асобнай сялянскай гаспадаркі з хлява пасля зімы першы раз выводзяць скаціну. Другая ж частка ўключае выпечку і раздачу рытуальнага хлеба, шэсце вяскоўцаў на веснавое поле, песні ды гульні, пажаданні адно аднаму добрага здароўя і багатага ўраджаю.
У 2004 годзе веснавы «Юраўскі карагод» быў разгледжаны Беларускай рэспубліканскай навукова-метадычнай радай па пытаннях гісторыка-культурнай спадчыны пры Міністэрстве культуры Беларусі для ўключэння ў рэспубліканскі спіс нематэрыяльных гісторыка-культурных каштоўнасцяў — і праз тры гады, у 2007 годзе, паводле адпаведнай пастановы Савета Міністраў стаў першым у Беларусі нематэрыяльным элементам, які атрымаў такі статус.
Абрад знаходзіцца пад пагрозай знікнення, сярод прычын — старэнне носьбітаў, тэндэнцыя з’язджання моладзі з вёскі, не вельмі спрыяльныя сацыяльна-эканамічныя ўмовы ў рэгіёне.
Зноскі
- ↑ Intergovernmental Committee inscribes ten cultural practices on UNESCO’s Lists of Intangible Heritage(нявызн.) (11 снежня 2019).
- ↑ Абрад «Юраўскі карагод» трапіў у Спіс нематэрыяльнай спадчыны ЮНЕСКА — Еўрапейскае радыё для Беларусі, 12 снежня 2019. (бел.)
- ↑ Беларускі абрад «Юраўскі карагод» уключаны ў Спіс Юнеска — Наша ніва, 12 снежня 2019. (бел.)
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Што такое «Юраўскі карагод» — zviazda.by
Фільм пра вясновы абрад "Юраўскі карагод"
