Яўген Аляксандравіч Смірноў

Яўген Аляксандравіч Смірноў
член Савета Рэспублікі Нацыянальнага сходу Рэспублікі Беларусь 4-га склікання 2008 — 2012
Нараджэнне	15 сакавіка 1949(1949-03-15) (75 гадоў) Ражск, Ражскі раён[d], Разанская вобласць, РСФСР, СССР
Адукацыя	БДУ
Месца працы	Агат — электрамеханічны завод Міністэрства юстыцыі Рэспублікі Беларусь Вярхоўны суд Рэспублікі Беларусь Вышэйшы Гаспадарчы суд Рэспублікі Беларусь Суд Першамайскага раёна г. Мінска
Узнагароды	ганаровая грамата Нацыянальнага сходу Рэспублікі Беларусь

Яўген Аляксандравіч Смірноў (нар. 15 сакавіка 1949, Ражск Разанскай вобласці РСФСР) — беларускі юрыст і дзяржаўны дзеяч. Заслужаны юрыст Рэспублікі Беларусь.

Біяграфія

Скончыў Беларускі дзяржаўны ўніверсітэт, юрыст.

Служыў у радах Узброеных Сіл. Быў майстрам, начальнікам бюро працы і заработнай платы Мінскага электрамеханічнага завода. Выбіраўся народным суддзёй, старшынёй суда Першамайскага раёна Мінска. Працаваў суддзёй Мінскага гарадскога суда, начальнікам упраўлення судовых органаў Міністэрства юстыцыі Рэспублікі Беларусь, суддзёй Вярхоўнага Суда Рэспублікі Беларусь, намеснікам, першым намеснікам Старшыні Вышэйшага Гаспадарчага суда Рэспублікі Беларусь.

Выбіраўся членам Савета Рэспублікі Нацыянальнага сходу Рэспублікі Беларусь 4-га склікання.

Узнагароды

Узнагароджаны Ганаровай граматай Нацыянальнага сходу Рэспублікі Беларусь.

Санкцыі ЕС

Як першы намеснік старшыні Вышэйшага Гаспадарчага суда 2 лютага 2011 года быў унесены ў Чорны спіс Еўрасаюза за ўдзел у меркаваных падлогах ды парушэннях правоў чалавека.