Алена Мікалаеўна Барун
Алена Мікалаеўна Барун | |
---|---|
Дата нараджэння | 23 чэрвеня 1977 (46 гадоў) |
Месца нараджэння | |
Грамадзянства | |
Род дзейнасці | выкладчыца ўніверсітэта, вучоная |
Навуковая сфера | гісторыя |
Месца працы | |
Навуковая ступень | кандыдат гістарычных навук (2015) |
Навуковае званне | |
Альма-матар | |
Навуковы кіраўнік | Андрэй Аляксандравіч Гарбацкі |
Алена Мікалаеўна Барун (нар. 23 чэрвеня 1977) — беларускі гісторык, педагог, кандыдат гістарычных навук, дацэнт.
Біяграфічныя звесткі[правіць | правіць зыходнік]
Скончыла ў 1999 годзе гісторыка-філалагічны факультэт Полацкага дзяржаўнага ўніверсітэта па спецыяльнасці «Гісторыя», атрымаўшы дыплом з адзнакай. У 2009 годзе там жа абараніла магістарскую дысертацыю па спецыяльнасці «Айчынная гісторыя». У 2001—2004 гадах навучалася ў аспірантуры Брэсцкага дзяржаўнага ўніверсітэта імя А. С. Пушкіна.
Дысертацыю на саісканне вучонай ступені кандыдата гістарычных навук па спецыяльнасці «Айчынная гісторыя» абараніла 13 мая 2015 года ў Інстытуце гісторыі Нацыянальнай акадэміі навук Беларусі. Тэма дысертацыі: «Праваслаўныя манастыры на тэрыторыі Беларусі: прававы статус і сацыяльна-культурная дзейнасць (1838—1917 гг.)». Рашэннем ВАК Рэспублікі Беларусь ёй было прысвоена вучонае званне дацэнта па спецыяльнасці «Гісторыя».
З часу заканчэння ўніверсітэта і па сёняшні дзень працуе ў Полацкім дзяржаўным універсітэце: з’яўлялася асістэнтам, старшым выкладчыкам, дацэнтам кафедры філасофіі (1999—2007), кафедры сацыяльна-гуманітарных дысцыплін (2008—2016). У 2016-2023 гадах займала пасаду загадчыка кафедры фізічнай культуры і спорту, у цяперашні час з'яўляецца дацэнтам гэтай кафедры.
Праходзіла навукова-даследчыя стажыроўкі ў Інстытуце гісторыі Літвы (Літва), Даўгаўпілскім універсітэце (Латвія), Беларускім дзяржаўным педагагічным універсітэце імя Максіма Танка (Беларусь) і інш.
Член Рэспубліканскага вучэбна-метадычнага аб’яднання па адукацыі ў галіне фізічнай культуры. Намеснік выканаўчага дырэктара па рабоце ў Віцебскай вобласці Рэспубліканскай грамадскай арганізацыі «Беларускае рэспубліканскае геранталагічнае грамадскае аб’яднанне».
Навуковая дзейнасць[правіць | правіць зыходнік]
Займаецца вывучэннем царкоўнай гісторыі і гісторыі рэлігійна-канфесійных адносін на беларускіх землях у ХІХ — пачатку ХХ стагоддзяў. Вывучае гісторыю праваслаўя на Беларусі, гісторыю манаскіх супольнасцяў і іх сацыяльную і культурную дзейнасць на тэрыторыі Беларусі, сацыяльны склад, структуру, арганізацыю і матэрыяльны стан. Даследуе гісторыю храмаў і манастыроў Полацка, страчаныя архітэктурныя аб’екты сакральнай гісторыі Полацка і Паўночнай Беларусі і інш.
Узнагароды[правіць | правіць зыходнік]
- Ганаровая грамата Міністэрства адукацыі Рэспублікі Беларусь (2020)
- Стала пераможцам у намінацыі «Выкладчык года» спецыяльнай прэміі «Крыніца ведаў - 2024» Полацкага ўніверсітэта.
Спасылкі[правіць | правіць зыходнік]
- Біяграфія на сайце Полацкага дзяржаўнага ўніверсітэта Архівавана 29 лістапада 2020.
- Профіль аўтара ў Google Scholar
- Профіль аўтара ў eLIBRARY.RU(недаступная спасылка)
- Профіль аўтара ў Semantic Scholar