Баляслаў Цітавіч Тамашэвіч

Баляслаў Цітавіч Тамашэвіч
Дата нараджэння	2 кастрычніка 1863(1863-10-02)
Месца нараджэння	Калупэ[d], Kalupe Parish[d], Латвія
Дата смерці	не раней за 1918
Грамадзянства	Расійская імперыя
Род дзейнасці	мастак
Жанр	графіка, партрэт, пейзаж і жанравы жывапіс
Вучоба	Імператарская Акадэмія мастацтваў (1886)

Баляслаў Цітавіч Тамашэ́віч (2 кастрычніка 1863 — невядома ці пасля 1918 года) — мастак, графік, акварэліст.

Нарадзіўся ў вёсцы Колунь Дынабургскага павета (сучасны Калупэ ў Латвіі). У 1886 годзе скончыў Імператарскую Акадэмію мастацтваў у Санкт-Пецярбургу. Колькі часу працаваў у Старой Русе, потым вярнуўся на радзіму. У складзе археалагічнай камісіі падарожнічаў па сучасных Беларусі і Украіне, пабываў у Ашмянах, Гальшанах, Віцебску, Кіеве. Рабіў замалёўкі народнага побыту і адзення, мясцовай архітэктуры, даваў урокі малявання. У 1896 годзе пабываў у Крэве і зрабіў замалёўкі Крэўскага замка і мястэчка. Пісаў Баляслаў Тамашэвіч і пейзажы, партрэты, бытавыя кампазіцыі. Творы мастака публікаваліся ў часопісах «Ніва», «Kraj», «Tygodnik Wileński» і альманаху «Z okolić Dźwiny».

Сярод твораў Баляслава Тамашэвіча: «Паляванне на качак», «На канікулах», «Сустрэча», «Беларуска ў нацыянальным касцюме», «Калі ўціхла бура», «Дом Сыракомлі ў Залуччы», «Касцёл у Гальшанах» і іншыя.

Літаратура

• Дробаў Л. Н. Тамашэ́віч Баляслаў Цітавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 412. — 10 000 экз. — ISBN 985-11-0035-8. — ISBN 985-11-0251-2 (т. 15).
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 324. — 703 с. — 10 000 экз.

Спасылкі

• Шкирандо Ф. И. Белорусские и зарубежные источники о жизни и творчестве Болеслава Томашевича // Искусство и культура — № 1(37). — С. 11—15. (руск.)