Здэнек Неедлы

Здэнек Неедлы
чэшск.: Zdeněk Nejedlý
Здэнек Неедлы (1945 год)
Міністр школ і народнай асветы Чэхаславакіі сакавік 1945 — ліпень 1946
Кіраўнік урада	Здэнек Фірлінгер
Папярэднік	Эмануэль Моравец
Пераемнік	Яраслаў Странскі
Міністр працы і сацыяльных спраў Чэхаславакіі май 1946 — 1948
Кіраўнік урада	Клемент Готвальд
Папярэднік	Ёзеф Шолташч
Пераемнік	Эўжан Эрбан
Міністр школ, навук і мастацтваў Чэхаславакіі студзень 1948 — студзень 1953
Кіраўнік урада	Клемент Готвальд; Антанін Запатацкі
Папярэднік	Яраслаў Странскі
Пераемнік	Эрнест Сыкара
Намеснік прэм'ер-міністра Чэхаславакіі студзень — верасень 1953
Кіраўнік урада	Антанін Запатацкі; Вільям Шыракі
Міністр ЧССР верасень 1953 — 9 сакавіка 1962
Кіраўнік урада	Вільям Шыракі
Нараджэнне	10 лютага 1878(1878-02-10) Літамышль, каралеўства Багемія, Аўстра-Венгрыя
Смерць	9 сакавіка 1962(1962-03-09) (84 гады) Прага, ЧССР
Месца пахавання	Вышаградскія могілкі
Бацька	Р. Неедлы
Дзеці	Віт
Партыя	Камуністычная партыя Чэхаславакіі
Член у	Саюз кампазітараў СССР[d] Акадэмія навук ГДР Акадэмія навук СССР Славенская акадэмія навук і мастацтваў Венгерская акадэмія навук Расійская акадэмія навук Сербская акадэмія навук і мастацтваў Польская акадэмія навук
Адукацыя	Карлаў універсітэт
Навуковая ступень	доктар філасофіі
Навуковае званне	член-карэспандэнт АН СССР
Дзейнасць	гісторыя, гісторыя музыкі[d], гісторыя літаратуры[d], гісторыя Чэхіі, літаратуразнаўства, тэорыя літаратуры[d], літаратурная крытыка, музыказнаўства, біяграфія, music criticism[d] і палітыка
Навуковая дзейнасць
Навуковая сфера	гісторыя, мастацтвазнаўства
Месца працы	Карлаў універсітэт
Вядомы як	музыказнаўца, гісторык, літаратурны крытык, літаратуразнаўца
Узнагароды	Order of Building of the Socialist Homeland[d] (7 лютага 1953) ганаровы грамадзянін Пльзеня[d] (1948) Honorary citizenship of České Budějovice[d] ганаровы грамадзянін Прагі[d] (1946)
Медыяфайлы на Вікісховішчы

Здэ́нек Не́едлы (чэшск.: Zdeněk Nejedlý; 10 лютага 1878, г. Літамішль, Чэхія — 9 сакавіка 1962, Прага) — чэхаславацкі гісторык культуры, грамадскі дзеяч. Член Чэшскай акадэміі навук і мастацтваў (1907). Замежны член-карэспандэнт АН СССР (1947), шэрагу іншых замежных акадэмій навук. Лаўрэат Дзяржаўнай прэміі Чэхаславакіі 1951.

Біяграфія

Скончыў Карлаў універсітэт у Празе ў 1899 годзе, у 1909—1939 гг. выкладаў у ім. Ініцыятар заснавання ў 1925 годзе і старшыня «Таварыства культурнага і эканамічнага збліжэння з Новай Расіяй». Адзін з кіраўнікоў створанай у 1930 арганізацыі савецка-чэхаславацкай дружбы «Саюз сяброў СССР». Змагаўся супраць пагрозы фашызму і вайны.

У 1939 годзе эмігрыраваў у СССР. У 1939—1945 гг. прафесар Маскоўскага ўніверсітэта і навуковы супрацоўнік Інстытута гісторыі АН СССР.

З 1945 года прафесар Карлава ўніверсітэта. У 1945—1953 гг. на міністэрскіх пасадах, у 1953 намеснік прэм'ер-міністра, потым член урада (міністр без партфеля) Чэхаславакіі. Заснавальнік і з 1952 года прэзідэнт Чэхаславацкай АН. Старшыня Саюза чэхаславацка-савецкай дружбы, з 1945 года Славянскага камітэта Чэхаславакіі.

Навуковая дзейнасць

Аўтар манаграфій пра Б. Сметану, З. Фібіха, даследаванняў па гісторыі чэшскіх гусіцкіх песень, прац па гісторыі чэшскага і іншых славянскіх народаў, чэхаславацкай культуры, гісторыі музыкі, па эстэтыцы, выяўленчым і тэатральным мастацтве.

Дачыненні з Беларуссю

У 1920-я г. ў Празе выступаў на літаратурных вечарах, прысвечаных Я. Купалу, Я. Коласу, Ц. Гартнаму, з лекцыямі і дакладамі пра Беларусь, беларускую народную песню. У 1925 годзе сустракаўся ў Празе з Я. Купалам і М. Чаротам, у 1927 годзе прыязджаў у Мінск. З 1939 года намеснік старшыні Усеславянскага камітэта, працаваў разам з Я. Купалам, Я. Коласам, К. Крапівой, М. Лыньковым. Аўтар артыкулаў пра Беларусь, яе гісторыю і культуру: «Беларусы» (1927), «БССР» (1929), «Нашы блізкія сябры», «Прывітанне беларусам» (абодва 1944). Падпісаў «Пратэст чэхаславацкіх інтэлігентаў» (1927) супраць расправы над Беларускай сялянска-работніцкай грамадой.

Літаратура

• Неедлы Здэнак // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Здэнек Неедлы