Перайсці да зместу

Максім Юр’евіч Рамашчанка

З Вікіпедыі, свабоднай энцыклапедыі
Футбол
Максім Рамашчанка
Агульная інфармацыя
Поўнае імя Максім Юр’евіч Рамашчанка
Нарадзіўся 31 ліпеня 1976(1976-07-31)[1][2][…] (47 гадоў)
Грамадзянства  Беларусь
 Украіна
Рост 180 см
Вага 75 кг
Пазіцыя паўабаронца
Інфармацыя пра клуб
Клуб Расія Металург (Ліпецк)
Пасада галоўны трэнер
Клубная кар’ера[* 1]
1993 Украіна Паліграфтэхніка (Александрыя) 17 (2)
1993—1994 Беларусь Дняпро (Магілёў) 15 (1)
1994 Беларусь Фандак (Бабруйск) 1 (0)
1995—1996 Беларусь МПКЦ (Мазыр) 58 (21)
1997—2000 Расія Дынама (Масква) 89 (15)
2000—2003 Турцыя Газіянтэпспор 62 (20)
2003—2004 Турцыя Трабзанспор 20 (6)
2004—2006 Расія Дынама (Масква) 43 (9)
2007 Расія Тарпеда (Масква) 27 (15)
2008—2009 Турцыя Бурсаспор 36 (4)
2009 Расія Хімкі 8 (0)
2010 Расія Салют (Белгарад) 10 (1)
2010—2012 Расія Дынама (Бранск) 52 (9)
2012—2013 Расія Хімкі 13 (0)
Нацыянальная зборная[* 2]
1995—1997 Беларусь Беларусь (да 21) 12 (5)
1998—2008 Беларусь Беларусь 64 (20)
Трэнерская кар’ера
2023—2024 Расія ФШМ (Масква)
2024— Расія Металург (Ліпецк)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах

Максім Юр’евіч Рамашчанка (укр.: Максим Юрійович Ромащенко; нар. 31 ліпеня 1976, Паўлаград) — беларускі футбаліст украінскага паходжання, паўабаронца. Рэкардсмен нацыянальнай зборнай Беларусі па колькасці забітых галоў (20). Футбаліст года Беларусі (2004).

У цяперашні час працуе галоўным трэнерам расійскага клуба «Металург» з Ліпецка.

Максім з’яўляецца малодшым братам беларускага футбаліста і трэнера Міраслава Рамашчанкі.

Клубная кар’ера[правіць | правіць зыходнік]

Выхаванец днепрапятроўскага футбола, пачынаў дарослую кар’еру ва Украіне, у клубе «Паліграфтэхніка». З 1993 года выступаў у Беларусі за «Дняпро», «Фандак» і МПКЦ (разам з апошнім клубам стаў чэмпіёнам краіны).

Выступаў у маскоўскім «Дынама» з 1997 года па 2006 год (з перапынкам). У дублюючым складзе «Дынама» правёў 14 матчаў і забіў 3 галы. За асноўны склад правёў 116 матчаў, забіў 22 мяча.

У 2007 годзе быў іграком маскоўскага «Тарпеда», які выступаў у першым дывізіёне Расіі. Клуб не вырашыў задачу па вяртанні ў Прэм’ер-лігу, а ўмовы новага кантракта, прапанаванага тарпедаўскім кіраўніцтвам, Рамашчанка не задаволілі, і ён пакінуў каманду.

У студзені 2008 года Рамашчанка заключыў кантракт з турэцкім клубам «Бурсаспор» тэрмінам на 1,5 года.

26 чэрвеня 2009 года Максім падпісаў кантракт з падмаскоўнымі «Хімкамі» тэрмінам на 1,5 года[3]. Па заканчэнні сезона на правах свабоднага агента пакінуў клуб.

26 студзеня 2010 года падпісаў кантракт з белгарадскім «Салютам», які раней узначаліў яго брат Міраслаў. Улетку таго ж года Максім, па ўзаемнай згодзе разарваў кантракт з «Салютам».

23 ліпеня 2010 года падпісаў кантракт з бранскім «Дынама» да канца 2010 года з магчымай пралангацыяй, а 10 студзеня 2011 года клуб падоўжыў пагадненне з паўабаронцам па схеме «год + паўгады». У канцы жніўня 2012 года вярнуўся ў «Хімкі»[4]. Па заканчэнні сезона 2012/13 завяршыў прафейсіную кар’еру[5] і застаўся жыць у Маскве.

Міжнародная кар’ера[правіць | правіць зыходнік]

У 1998—2008 гадах — ігрок нацыянальнай зборнай Беларусі. Найлепшы бамбардзір зборнай (20 галоў). Усяго за зборную зрабіў 1 хет-трык і 4 дубля, у тым ліку дубль у браму зборнай Італіі (13 кастрычніка 2004 года, выніковы лік 3:4).

Трэнерская кар’ера[правіць | правіць зыходнік]

У сезоне 2022/23 працаваў трэнерам юнацкай (да 19 гадоў) каманды «Строгіна». Летам 2023 года ўзначаліў каманду ФШМ, якая гуляла ў аматарскім першынстве Масквы. У маі 2024 года стаў галоўным трэнерам ліпецкага «Металурга»[6].

Крыніцы[правіць | правіць зыходнік]

  1. ↑ Maksim Romashchenko // Transfermarkt — 2000. Праверана 9 кастрычніка 2017.
  2. ↑ Maksim Romaschenko // FBref.com
  3. ↑ "Химки" подписали контракт с Максимом Ромащенко (руск.)(недаступная спасылка). Афіцыйны сайт «Хімкаў» (26 чэрвеня 2009). Архівавана з першакрыніцы 29 жніўня 2014.
  4. ↑ "Химки" заявили Ромащенко и Гвазаву (руск.). sport-express.ru (1 верасня 2012). Праверана 23 мая 2024.
  5. ↑ Максим Ромащенко: посещаю тренерские курсы, планирую в скором времени получить лицензию (руск.)(недаступная спасылка). pressball.by (2 снежня 2014). Архівавана з першакрыніцы 4 сакавіка 2016. Праверана 23 мая 2024.
  6. ↑ У липецкого "Металлурга" из российского Д3 новый главный тренер. Это экс-игрок сборной Беларуси (руск.). football.by (20 мая 2024). Праверана 23 мая 2024.
Узята з "https://be.wikipedia.org/w/index.php?title=Максім_Юр’евіч_Рамашчанка&oldid=4748130"