Э́йндхавен[2] (нідэрл.: Eindhoven) — горад на поўдні Нідэрландаў, найбуйны горад правінцыі Паўночны Брабант. У горадзе знаходзіцца вялікі лік прадпрыемстваў, звязаных з высокімі тэхналогіямі і інфарматыкай, напрыклад Philips. Горад таксама вядомы футбольнай камандай ПСВ — шматразовым чэмпіёнам Нідэрландаў.
Пісьмовая гісторыя горада пачалася ў 1232 годзе, калі герцаг Хендрык I Брабанцкі дараваў правы горада Эйндхавена, невялікаму мястэчку на скрыжаванні рэк Домел і Гендэр. У той час горад складаўся прыкладна з 170 хат, акружаных прыгонным валам. Побач са сценамі горада стаяў невялікі замак. Гораду таксама было дадзена права праводзіць штотыднёвы рынак, і сяляне з суседніх вёсак былі абавязаныя прадаваць на гэтым рынку свае прадукты. Важную ролю ў развіцці горада згуляла тое, што ён знаходзіўся на гандлёвым шляху з Галандыі ў Льеж.
Буйныя бамбаванні падчас Другой Сусветнай вайны разбурылі значную частку горада, уключаючы амаль усе старадаўнія будынкі. Пасля вайны горад быў хутка адноўлены, і ў ім было пабудавана шмат вышынных будынкаў. У пасляваенны перыяд усё больш развіваліся электронныя і інжынерныя індустрыі, у той час як традыцыйная вытворчасць тытуню і тканін усё больш марнела, канчаткова знікшы ў сямідзесятыя гады. У сямідзесятыя, васьмідзесятыя і дзевяностыя гады было пабудавана шмат жылля ў паўночных раёнах горада Woensel-Zuid і Woensel-Noord, і ў выніку Эйндхавен стаў пятым па насельніцтве горадам Нідэрландаў.
![Герб[d]](/wiki/%D0%A4%D0%B0%D0%B9%D0%BB:Eindhoven_wapen.svg)
![Сцяг[d]](/wiki/%D0%A4%D0%B0%D0%B9%D0%BB:Flag_of_Eindhoven.svg)
Al Qadarif[d], Судан[8]
Emfuleni Local Municipality[d], ПАР[8]
Gumi[d], Паўднёвая Карэя[8]
Бангалор, Індыя[8]
Баё[d], Францыя[8]
Беласток, Польшча (1992)[8][9]
Кадома[d], Японія (1967)[8]
Кайсеры, Турцыя[8]
Масква, Расія[8]
Мінск, Беларусь (1994)[8]
Нанкін, Кітай[10][8]
Хельсінкі, Фінляндыя[8]
Чынандэга, Нікарагуа (1986)[8]
Ясы, Румынія
.svg){kind=small}
На Вікісховішчы ёсць медыяфайлы па тэме Эйндхавен
