Яўгенія Сямёнаўна Гінзбург

Яўгенія Сямёнаўна Гінзбург
Род дзейнасці	журналістка, пісьменніца
Дата нараджэння	20 снежня 1904(1904-12-20), 20 снежня 1903(1903-12-20) ці 1904
Месца нараджэння	Масква, Маскоўская губерня, Расійская імперыя
Дата смерці	25 мая 1977(1977-05-25)[…] ці 1977
Месца смерці	Масква, РСФСР, СССР
Месца пахавання	Кузьмінскія могілкі[d]
Грамадзянства	Расійская імперыя  СССР
Дзеці	Васіль Паўлавіч Аксёнаў
Месца працы	Казанскі ўніверсітэт
Альма-матар	Татарскі дзяржаўны гуманітарна-педагагічны ўніверсітэт[d] Казанскі ўніверсітэт
Партыя	КПСС
Медыяфайлы на Вікісховішчы

Яўгенія Сямёнаўна Гінзбург (руск.: Евгения Соломоновна Гинзбург; (20 снежня 1904, Масква — 25 мая 1977, Масква) — журналістка, мемуарыстка, кандыдат гістарычных навук. Маці пісьменніка Васіля Аксёнава.

Біяграфія

З 1920 па 1922 год Яўгенія Гінзбург вучылася ў Казанскім універсітэце, на факультэце грамадскіх навук, пасля чаго перавялася на 3-й курс грамадскага аддзялення Казанскага Усходняга педагагічнага інстытута, які скончыла ў чэрвені 1924 года (спецыяльнасць гісторыя, у далейшым абаранілася як кандыдат гістарычных навук). Член ВКП (б) з 1932 года, работнік адукацыі ў Казані, супрацоўнік абласной газеты «Чырвоная Татарыя».

Была рэпрэсаваная ў 1937 годзе, прысуджаная да турэмнага зняволення Ваеннай калегіяй Вярхоўнага Суда па артыкуле 58, пункты 8 і 11, абвінавачвалася ва ўдзеле ў трацкісцкай тэрарыстычнай арганізацыі.

Аўтар кнігі ўспамінаў «Круты маршрут» (1967, другая частка — 1975—1977), аднаго з першых літаратурных твораў, якія апавядалі пра сталінскія рэпрэсіі ў СССР. Першая публікацыя адбылася ў Мілане (1967), куды яна была вывезена ў выглядзе аўдыёзапісу. Вываз і наступная публікацыя былі зроблены без ведама аўтара. У СССР «Круты маршрут» упершыню выдадзены ў 1988 годзе, да гэтага распаўсюджваўся ў самвыдаце.